حەماس: ئێمە ئامادەین بۆ دانوستان ئەگەر قەیرانی برسێتی لە غەززە کۆتایی پێبێت
13 oC
13 oC
Güneşli
13 oC
Güneşli
بزووتنەوەی خۆڕاگری ئیسلامی حەماس ئامادەیی خۆی ڕاگەیاند بۆ ئەوەی دەستبەجێ بچێتەوە سەر دانوستانەکان لە ئەگەری گەیشتنی یارمەتییە مرۆییەکان و کۆتایی هاتنی قەیرانی مرۆیی و برسێتی لە غەززە.
حەماس لە بەیاننامەیەکدا کە شەوی ڕابردوو بڵاوی کردەوە، ڕایگەیاند، "شەڕی برسێتی کە داگیرکەری سەهیۆنی لە کەرتی غەززە بەڕێوەی بردووە، ئێستا گەیشتووەتە ئاستێکی بەرگە نەگیراو و بووەتە گەورەترین هەڕەشە بۆ سەر ژیانی زیاتر لە دوو میلیۆن فەلەستینی.
بزووتنەوەکە داوای لە کۆمەڵگەی نێودەوڵەتی و هەموو لایەنە پەیوەندیدارەکان کرد، دەستبەجێ ئەم کۆمەڵکۆوژییە ڕابگرن کە لە لایەن هێزەکان داگیرکەرەکانەوە ئەنجام دراوە، بە بێ دواکەوتن و بە بێ مەرج پێداویستی خۆراک بگەنە هەموو ناوچەکانی غەززە و پاراستنی ئەو هاوکارییە مسۆگەڕ بکەن.
حەماس ئامادەیی تەواوی خۆی بۆ پەیوەست بوون بە دانوستانەکان دووپاتکردەوە تا ئەو کاتەی هاوکارییە مرۆییەکان بگاتە خاوەن مافەکانی و قەیرانی مرۆیی و برسێتی کۆتایی پێبێت.
لە ڕاگەیەندراوەکەدا جەخت کراوەتەوە، ئەو دانوستانانەی کە لە ناو برسێتیدا ئەنجام دەدرێن، مانا و بەهای خۆی لەدەستداوە. هەروەها ئاماژەی بەوەشکردووە، هەفتەی ڕابردوو لایەنی داگیرکەر بەبێ ئەوەی هیچ پاساوێک بدات لە دانوستانەکان کشایەوە و "هەرچەندە ئەوەندە نزیک بووین لە ڕێککەوتن."
هەینی ڕابردوو حەماس لە بەیاننامەیەکدا ڕایگەیاند کە دوای ڕاوێژکاری بەرفراوان لەگەڵ گرووپە فەلەستینییەکان، ناوبژیوانان و وڵاتانی دۆست، وەڵامی کۆتایی خۆی بۆ ئەو پێشنیازە پێشکەش کردووە کە لەلایەن نێوەندگیرییەکانەوە پێشکەش کراوە و وەڵامی ئەرێنییان داوەتەوە.
هەروەها حەماس جەختی لە ئامادەیی خۆی بۆ بەشداریکردن لە پرۆسەکەدا بۆ بەشداریکردن لە تەواوکردنی دانوستانەکان و پاڵپشتیکردنی لە هەوڵەکان بۆ تێپەڕاندنی ئاستەنگەکان بۆ گەیشتن بە ڕێککەوتنێکی هەمیشەیی ئاگربەست.
لە لایەکی دیکەوە، دوابەدوای وەڵامدانەوەی حەماس بۆ پێشنیاری ئاگربەست هەفتەی ڕابردوو، حکومەتی داگیرکەر تیمی دانوستانکاری دۆحەی بانگهێشتی تەلئەبیب کرد بۆ ڕاوێژکاری.
لە بەیاننامەیەکدا نوسینگەی نەتانیاهۆ ڕایگەیاند، بە پشتبەستن بە وەڵامی حەماس، تیمی دانوستانکار بۆ ڕاوێژکاری زیاتر لە تەلئەبیب کشێندرایەوە.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
چەتەکانی جولەکە لە شارەکانی ئەریحا و سەلفیت و ئەلخەلیل، هێرشیان کردە سەر ماڵ و زەوی فەلەستینییەکان، لە هەمان کاتدا هێزەکانی داگیرکەر هەڵیانکوتایە سەر چەندین ناوچە و ماڵیان تاڵان کرد و دەستیان بەسەر ئۆتۆمبێلەکاندا گرت.
گرکانی لیوۆتۆبی لاکی-لاکی لە ئەندەنۆسیا ١ی ئابی ٢٠٢٥ کاتژمێر ٢٠:٤٨ تەقیەوە.
یفتاهـ ڕۆن تال، فەرماندەی پێشووی هێزە زەمینیەکانی رژێمی سەهیۆنی ڕایگەیاند، نزیکەی دوو ساڵ هێرشەکان لە غەززە، سوپایان ماندوو کردووە و کارەسات نزیکە ئەگەر حکومەت ستراتیژێکی ڕوون دانەڕێژێت.
سەرچاوە تەندروستییەکانی غەززە ڕایانگەیاند، عاتف ئەبو خاتری تەمەن ١٥ ساڵ بەهۆی بەدخۆراکی و برسێتی گیانی لەدەستداوە. لە چەند ڕۆژی ڕابردوودا ژمارەی گیانیان لەدەستدان بەهۆی بەدخۆراکییەوە بۆ ١٥٥ کەس بەرزبووەتەوە کە ٩٠ کەسیان منداڵن.
